சனத்தை வைத்து நகைச்சுவை மொக்கை போட முயற்சிக்கிறார்கள்....
இப்படித்தான் அண்மையில் சிம்பாப்வே தொடருக்கான இலங்கை அணி அறிவிக்கப்பட்ட போது தெரியாத்தனமாக சனத் இற்கு ஓய்வு (rested) என்று சொல்லிவிட்டார்கள்...
அதை வைத்து நான் உட்பட பலர் நக்கலடிக்கிறார்கள் சனத் என்ன செய்து கிழித்துவிட்டார் என்று ஓய்வு என்று.
ஆனால் நாங்கள் ஒரு மிகப்பெரும் உண்மையை மறந்திருக்கிறோம்.
அதற்கு முன்னர் சிறிய விளக்கமொன்றை சொல்ல விரும்புகிறேன்.
நீங்கள் ஒரு குறிப்பிட்ட இடத்திற்கு நடந்து செல்கிறீர்கள். அங்கிருந்து உடனே திரும்பி உங்களால் நடந்து வந்தால் களைக்குமல்லவா?
ஆனால் அதுவே அங்கு கொஞ்சம் இளைப்பாறிவிட்டு திரும்பி நடந்து வந்தால் களைப்புத் தெரியாதல்லவா?
சரி,
அதையே இங்கு நோக்குங்கள்...
சனத் தலைக்கவசம், கால் கவசங்கள், அது இது எண்டு எல்லாத்தயும் குனிஞ்சு நிமிர்ந்து கட்டிக்கொண்டு 2,3 கிலோகிராம் நிறையுள்ள துடுப்பையும் (bat) எடுத்துக் கொண்டு மூச்சிரைக்க மூச்சிரைக்க நடந்து போய் அங்க guard எல்லாம் எடுத்திற்று காலில, தலைக்கவசத்தில அங்க இங்க எல்லாம் ஒரு தட்டு தட்டிற்று நிண்டு உடனயே ஆட்டமிழந்து திரும்பி வரும் போது எவ்வளவு களைப்பா இருக்கும் தெரியுமா?
ஆகவே இலங்கை அணியில் அதிகம் களைப்படைந்த வீரர் சனத் மட்டுமே.
என்னைப் பொறுத்தவரை இந்த ஓய்வு சனத்திற்கு நிச்சயமாகத் தேவைப்பட்ட ஒன்று. ;)
நன்றி ஸ்ரீலங்கா கிறிக்கற்.
சரி, இப்படியிருக்க முன்பு கிறிக்கற் வீரர்களை நோக்கி வெளியிடப்பட்ட நகைச்சுவைகள் சனத்திற்கு அழகாகப் பொருந்துவது போலுள்ளது.
சிலவற்றை சனத் என்று பெயர் மாற்றிப் பார்ப்போம்.
உங்களிடம் 5 டொலர்கள் உள்ளன, சனத் இடம் 5 டொலர்கள் உள்ளன என்றால் என்ன அர்த்தம்?
சனத்திடம் உங்களை விட அதிக பணம் உண்டு.
(அது அப்பிடித்தான்)
சனத் ஜெயசூரியா இரவு விளக்கை ஒளிர விட்டுக் கொண்டு தான் உறங்குவார்.
சனத் இற்கு இரவைக் கண்டால் பயம் என்று அர்த்தமல்ல,
இரவுக்கு சனத்தைக் கண்டால் பயம்.
KFC இல் இடியப்பத்திற்கு order கொடுத்து அதைப் பெற்றவர் சனத் ஜெயசூரியா.
ஐன்ஸ்ரினை விட சனத் ஜெயசூரியா எவ்வாறு அறிவுள்ளவர் என அறியலாம்?
தானாக முயலாமலே சனத் ஆல் ஆட்டமிழக்க முடியும்.
அடுத்த பந்தில் நிச்சயமாக ஒரு விக்கற் விழவேண்டும் என்றால் சனத் என்ன செய்ய வேண்டும்?
துடுப்பெடுத்தாட வேண்டும்.
சனத் ஜெயசூரியா ஒரு போட்டிக்கு முன்னர் கடுமையாக மதுபானம் அருந்திவிட்டு பயிற்றுவிப்பாளரிடம் போய்ச் சொன்னார் எல்லாமே எனக்கு மூன்று மூன்றாகத் தெரிகிறது, நான் என்ன செய்ய என்று.
பயிற்றுவிப்பாளர் 'ஒன்றும் யோசிக்க வேண்டாம். வரும் 3 பந்துகளில் நடுவில் வரும் பந்தை மட்டும் அடியுங்கள்' என்று சொல்லியனுப்பினார்.
ஆடுகளத்திற்கு தட்டுத்தடுமாறிச் சென்றார் சனத், பிறகு என்ன நடந்திருக்கும் என்று சொல்லியா தெரிய வேண்டும்.
ஆட்டமிழந்து வந்ததும் பயிற்றவிப்பாளர் கோபத்துடன் நடுப்பந்தை அடி என்றால் என்ன செய்தாய்? என்று கேட்க,
சனத் 'நான் நடுப்பந்தைத் தான் அடிக்க முயற்சித்தேன். ஆனால் கரையிலிருந்து துடுப்பால் அடிக்க முயற்சித்தேன், முடியவில்லை' என்றார்.
தொடர்ந்து போட்டிகளில் மோசமாக ஆடியதால் சனத் ஜெயசூரியா அணியை விட்டுத் தூக்கப்பட்டார்.
கடுமையாகப் பயிற்சி செய்து திரும்ப தேசிய அணிக்கான பயிற்சிக்கு வந்தார்.
வலைப்பயிற்சியில் ஆடிவிட்டு பெருமையுடன் பயிற்சியாளரிடம் வந்து
'ஏதாவது வித்தியாசம் தெரிகிறதா?' என்றார்.
'தலைமுடி வெட்டியிருக்கிறீர்கள் தானே?' என்றார் பயிற்றுநர் அப்பாவித்தனமாக.
சனத் ஜெயசூரியாவை ஆட்டமிழந்து வாருங்கள் என்று எப்படி அமைதியாகச் சொல்வது?
'போய்த் துடுப்பெடுத்தாடுங்கள்' என்று சொல்வதன் மூலம்.
சனத் மத்தியவரிசைக்குத் துடுப்பெடுத்தாட மாற்றப்பட்ட பின் ஒரு போட்டியில் சங்கக்கார முதற்பந்திலேயே ஆட்டமிழந்து வெளியேறினார்...
வெளியேறும் போது அடுத்ததாக துடுப்பெடுத்தாட ஆடுகளத்தை நோக்கி சனத் விரைந்து கொண்டிருந்தார்.
போகும் போது கவலையுடனிருந்த சங்கக்காரவை 'கவலை தான். hard luck man' என்றார்.
சங்கா உடனே, 'ஆமாம். ஒரு ஹட் ட்ரிக் இல் நடுவில் (2ஆவது விக்கற்றாக) ஆட்டமிழந்தவனாக இருக்கப் போகிறேன் என்பதை நினைத்தால் வெட்கமாக இருக்கிறது' என்றார்.
எண்கோலத்தில் தொடர்ந்து வரும் எண்ணைக் கண்டுபிடிக்குக...
0, 3, 6, 5, 0, 1....
அடுத்த எண்களைக் கண்டுபிடிக்குக....
ஒன்றுக்கு (1 இற்கு) அடுத்தது DNB என்று வரும். மிகுதியை சனத் மட்டுமே அறிவார், ஏனென்றால் இவை சனத் இன் அண்மைக்கால ஓட்டங்கள்...
